grundfos FAF ALPHA2 CR, CRI, CRN Hydro MPC JP grundfos MAGNA2 MQ PM1, PM2 POMONA grundfos SP Unilift SEG








‹‹Հորիզոն›› ընկերությունը հիմնադրվել է 1994թ.-ին: Ընկերությունն աշխատում է հիդրոտեխնիկայի բնագավառում: Մեր գործունեության հիմնական ուղղություններն են` հիդրոտեխնիկական սարքավորումների ներկրում, վաճառք, մոնտաժում, գործարկում, կարգաբերում, երաշխիքային և հետերաշխիքային սպասարկում: Ներկայացնում ենք պոմպային սարքավորումներ, ինչպես նաև հեղուկների զանազան պարամետրերի չափման էլեկտրոնային սարքեր` հոսքաչափեր, ծախսաչափեր, մակարդակաչափեր:
Հիդրոտեխնիկական ժամանակակից սարքավորումները բավականին բարդ են: Դրանք պահանջում են փորձառու մասնագետների կողմից իրականացվող մանրակրկիտ հաշվարկ և ընտրություն, ինչպես նաև մոնտաժման, գործարկման և կարգաբերման նրբությունների տիրապետում: Առհասարակ, սպասարկող ինժեներական անձնակազմը պետք է ունենա բարձրակարգ տեխնիկական գիտելիքներ և աշխատանքային փորձառություն: Նմանատիպ աշխատակիցները կազմում են ինժեներական սպասարկմամբ մասնագիտացված ցանկացած ընկերության, այդ թվում և Հորիզոնի հենասյունը:
Հորիզոնին պաշտոնապես շնորհված է հանրահայտ դանիական Grundfos (Գրունդֆոս) և գերմանական Krohne (Քրոն) ընկերությունների տեխնիկական սպասարկման գործընկերոջ կարգավիճակ, ինչպես նաև հանդիսանում է Grundfos ընկերության դիստրիբյուտորը Հայաստանում:
Մեր մասնագետները պարբերաբար որակավորվում են գործընկերների տեխնիկական վերապատրաստման կենտրոններում:
Սկսած 2005թ.-ից մենք իրականացնում ենք Երևան քաղաքի ջրամատակարարման համակարգի ինժեներա-տեխնիկական սպասարկումը` ներքաղաքային ցանցը, քաղաքը սնող մագիստրալ հոսքագծերը և ջրամբարները (309 արդիականացված պոմպակայաններ, 231 էլեկտրամագնիսական հոսքաչափեր և ուլտրաձայնային մակարդակաչափեր, 174 ճնշման կարգավորիչ փականներ):
Առաջարկում ենք ծառայությունների ամբողջական փաթեթ, որն ընդգրկում է`
- Ինժեներական խորհրդատվություն
- Ինժեներական լուծումների առաջարկ
- Տվյալ համակարգի պարամետրերին համապատասխան սարքավորումների ընտրություն
- Նշված սարքավորումների մոնտաժում և գործարկում
- Երաշխիքային և հետերաշխիքային սպասարկում
‹‹Հորիզոն›› ընկերությունը միակն է, որն ունի իր սպասարկման տիրույթում գտնվող բոլոր հիդրոտեխնիկական սարքավորումների օրիգինալ պահեստամասեր, ուստի երաշխիքային և հետերաշխիքային սպասարկումը մեր անձնակազմն իրականացնում է արագ և որակով:
Երաշխիքային սպասարկման ժամանակահատվածը, սկսած սարքավորման գործարկման օրվանից, սահմանվում է մեկից երեք տարի` կախված սարքավորման տեսակից:
Ընկերության առաքելությունն է` մատուցել որակյալ տեսականի և սպասարկում, ստեղծել կայուն հիմքեր գործընկերների և պատվիրատուների հետ փոխշահավետ համագործակցության համար: